பழமையான கோயில் இருந்த இடத்தில் பிரியாணி கடையை பார்த்து மேயர் அதிர்ச்சி

உ.பி.யில் நெரிசல் மிகுந்த நகரமான கான்பூரில் பழமையான பகுதியாக சமன்கன்ச் உள்ளது. இப்பகுதியில் பழமையான சிறிய கோயில்கள் பல உள்ளன. இங்குள்ள தடவா மெஹல் பகுதியில் இருந்த ராதா கிருஷ்ணா கோயில் கடந்த மே 22-ம் தேதி திடீரென இடிந்து விழுந்தது.

சுமார் 150 ஆண்டுகள் பழமையான இக்கோயில் மிகவும் பாழடைந்து விரிசல்களுடன் இருந்துள்ளது. இடிந்து விழலாம் என்ற அச்சம் காரணமாக கடந்த 40 ஆண்டுகளாக அக்கோயில் மூடப்பட்டிருந்தது. எனினும் கோயில் கட்டிடத்தின் இருபுறமும் சில கடைகள் இருக்கின்றன. கரோனா ஊரடங்கு காரணமாக அவை மூடப்பட்டிருந்ததால் கோயில் இடிந்து விழுந்தபோது உயிர்ச்சேதம் ஏற்படவில்லை. இந்த கோயிலானது கான்பூரின் ஆசாத் நகரில் வசிக்கும் அனில்குமார் குப்தா குடும்பத்தினிரின் மூதாதை யர்களால் கட்டப்பட்டது. அவரிடம் போலீஸார் விசாரணை நடத்தினர்.

From தமிழ் நியூஸ் : News in Tamil,Latest Tamil News India & World,Sports,Cinema.