சென்னை ஓபன் மகளிர் டென்னிஸில் யூஜின் பவுச்சார்ட், அங்கிதாவுக்கு வைல்டு கார்டு

சென்னை: சென்னை ஓபன் மகளிர் டென்னிஸ் போட்டி வரும் செப்டம்பர் 12-ம் தேதி முதல் 18-ம் தேதி வரை சென்னை நுங்கம்பாக்கத்தில் உள்ள எஸ்டிஏடி டென்னிஸ் மைதானத்தில் நடைபெறுகிறது. 250 புள்ளிகள் கொண்ட இந்த டென்னிஸ் தொடரை தமிழக அரசு ஆதரவுடன் தமிழக டென்னிஸ் சங்கம் நடத்துகிறது. இந்தத் தொடரில் மகளிர் ஒற்றையர் பிரிவில் 32 வீராங்கனைகளும், இரட்டையர் பிரிவில் 16 வீராங்கனைகளும் கலந்துகொள்ள உள்ளனர்.

உலகத் தரவரிசையில் 17-வது இடத்தில் உள்ள பிரான்ஸின் கரோலின் கார்சியா, 29-ம் நிலை வீராங்கனையான அமெரிக்காவின் அலிசன் ரிஸ்க் 32-ம் நிலை வீராங்கனையான பெல்ஜியத்தின் எலிஸ் மெர்டன்ஸ் உள்ளிட்ட முன்னணி வீராங்கனைகள் சென்னை ஓபனில் கலந்து கொள்கின்றனர்.

from தமிழ் நியூஸ் : News in Tamil,Latest Tamil News India & World,Sports,Cinema.