ஐபிஎல் கிரிக்கெட்டில் விளையாட விரும்புகிறேன்: ஜோ ரூட்

இங்கிலாந்து டெஸ்ட் கிரிக்கெட் அணியின் முன்னாள் கேப்டன் ஜோ ரூட், எதிர்வரும் ஐபிஎல் 2023 சீசனில் விளையாட விரும்புவதாக தெரிவித்துள்ளார். டெஸ்ட் கிரிக்கெட்டில் இங்கிலாந்து அணியின் ஆல்-டைம் சிறந்த பேட்ஸ்மேனாக ரூட் பார்க்கப்படுகிறார். எதிர்வரும் சீசனுக்கான ஏலத்தில் தனது பெயரை சேர்க்க பரிசீலித்து வருவதாவும் அவர் தெரிவித்துள்ளார்.

மாடர்ன் டே கிரிக்கெட்டின் ஃபேப்4 வீரர்களில் ஒருவராக அறியப்படுகிறார் ரூட். 31 வயதான அவர் கடந்த 2012 முதல் இங்கிலாந்து அணிக்காக விளையாடி வருகிறார். 124 டெஸ்ட், 158 ஒருநாள் போட்டிகளில் அவர் விளையாடி உள்ளார். டெஸ்ட் கிரிக்கெட்டில் 28 சதங்கள் உட்பட 10,504 ரன்கள் சேர்த்துள்ளார். டெஸ்ட் கிரிக்கெட் பேட்டிங் தரவரிசையில் நம்பர் 1 வீரரும் அவர்தான்.

from தமிழ் நியூஸ் : News in Tamil,Latest Tamil News India & World,Sports,Cinema.