மிர்பூர்: இந்திய கிரிக்கெட் அணி வங்கதேசத்தில் சுற்றுப்பயணம் செய்துவிளையாடி வருகிறது. இரு அணிகள் இடையிலான 2 ஆட்டங்கள் கொண்ட டெஸ்ட் கிரிக்கெட் தொடரில் சட்டோகிராமில் நடைபெற்ற முதல் போட்டியில் இந்திய அணி 188 ரன்கள் வித்தியாசத்தில் வெற்றி பெற்றது. இந்நிலையில் கடைசி டெஸ்ட் போட்டி மிர்பூரில் இன்று தொடங்குகிறது. ஐசிசி உலக டெஸ்ட் சாம்பியன்ஷிப் இறுதிப் போட்டிக்கு தகுதி பெறுவதற்கு இந்திய அணிக்கு இந்த டெஸ்ட் போட்டி முக்கியத்துவம் வாய்ந்ததாக உள்ளது.
ஏனெனில் தற்போதைய நிலையில் உலக டெஸ்ட் சாம்பியன்ஷிப் புள்ளிகள் பட்டியலில் ஆஸ்திரேலியா 76.92 வெற்றி சதவீத புள்ளிகள் முதலிடத்தில் உள்ளது. இந்தியா 55.77 சதவீத புள்ளிகளுடன் 2-வது இடம் வகிக்கிறது. ஆஸ்திரேலிய அணியிடம் காபாவில் நடைபெற்ற டெஸ்ட் போட்டியில் தென் ஆப்பிரிக்க அணி படுதோல்வி அடைந்ததால் அந்த 2-வது இடத்தில் இருந்து 54.55 சதவீத புள்ளிகளுடன் 3-வது இடத்துக்கு தள்ளப்பட்டது. இதன் காரணமாக இந்திய அணி 2-வது இடத்துக்கு முன்னேறி இருந்தது.
from தமிழ் நியூஸ் : News in Tamil,Latest Tamil News India & World,Sports,Cinema.
0 கருத்துகள்