கால்பந்து அரசன் 'பீலே'வின் பெயரை பொருள்பட சேர்த்து கவுரவித்த பிரேசில் அகராதி!

சாவோ பாவ்லோ: கால்பந்து விளையாட்டின் அரசின் பீலேவின் பெயரை போர்ச்சுகீஸ் (Portuguese) மொழி அகராதியில் பொருள்பட பெயரடையாக சேர்த்துள்ளது Michaelis Portuguese அகராதி. இது பிரேசில் நாட்டில் இருந்து வெளிவரும் அகராதியாகும். இதன் மூலம் உலகில் போர்ச்சுகீஸ் மொழியை பேசி வரும் 265 மில்லியன் மக்களுக்கு ‘பீலே’ அர்த்தமுள்ள சொல்லாக மாறியுள்ளது.

சுமார் 1,67,000 சொற்கள் அடங்கிய அந்த அகராதியில் பீலேவின் பெயரும் ஒன்றாக தற்போது இணைந்துள்ளது. பீலே என்றால் ‘அபூர்வமான, ஒப்பற்ற, தனித்துவமான’ என்ற பொருளை குறிப்பிடும் வகையில் அந்த அகராதியில் குறிப்பிடப்பட்டுள்ளது. ஏற்கெனவே பீலே என்றால் ‘தன் பணியில் சிறந்து விளங்கும் ஒருவரை’ குறிப்பிட்டு சொல்லி வருவதாகவும் பீலே அறக்கட்டளை இன்ஸ்டாகிராம் பக்கத்தில் தெரிவித்துள்ளது.

from தமிழ் நியூஸ் : News in Tamil,Latest Tamil News India & World,Sports,Cinema.