“விராட் கோலியின் கேப்டன்சி வெற்றியில் தோனிக்குதான் பெரும் பங்கு” - இஷாந்த் சர்மா பேட்டி

“எம்.எஸ்.தோனி கேப்டன்சி காலக்கட்டத்திலும்தான் இந்திய அணி ‘மாற்றத்தில்’ இருந்தது. ஆனால், தோனி ஒரு முழு அணியை விராட் கோலியிடம் கையளித்தார் என்பதாலேயே கோலி சக்சஸ் கேப்டனாக முடிந்தது” என்று இந்திய வேகப் பந்துவீச்சாளர் இஷாந்த் சர்மா, தோனிக்குப் புகழாரம் சூட்டும் குழுவில் தன்னையும் இணைத்துக் கொண்டார்.

மகேந்திர சிங் தோனி ஜார்கண்ட் மாநிலத்திலிருந்து ரயில்வே டிக்கெட் கலெக்டராக இருந்து பிறகு கிரிக்கெட்டுக்கு வந்தவர். கடின உழைப்பினால் தேர்ந்த விக்கெட் கீப்பராக இந்திய அணி விக்கெட் கீப்பருக்காக திணறிக்கொண்டிருந்த தருணத்தில் நுழைந்தார். ஆனால் அவர் பலரையும் கவர்ந்தது தன்னுடைய அதிரடி பேட்டிங்கினாலேயே. பாகிஸ்தானுக்கு எதிராக எடுத்த சதம், இலங்கைக்கு எதிராக எடுத்த 183 அதிரடி ரன்கள் ஆகியவையும் அவரது நீள் முடியும் ஆகிருதியும் உலகில் அவருக்கு பல ரசிகர்கள் கூட்டத்தைப் பெற்றுத்தந்தது. 2007-ல் இந்திய டி20 அணியின் கேப்டனாகி எடுத்த எடுப்பிலேயே டி20 உலகக்கோப்பையை வென்றார்.

from தமிழ் நியூஸ் : News in Tamil,Latest Tamil News India & World,Sports,Cinema.