சென்னை: நடப்பு உலகக் கோப்பை கிரிக்கெட் தொடரின் 26-வது போட்டியில் பாகிஸ்தானை வீழ்த்தி வெற்றி பெற்றது தென் ஆப்பிரிக்கா. 1 விக்கெட் வித்தியாசத்தில் தென் ஆப்பிரிக்கா வெற்றி பெற்றுள்ளது. இந்தப் போட்டி சென்னை - சேப்பாக்கம் கிரிக்கெட் மைதானத்தில் நடைபெற்றது. வெற்றிக்காக இறுதி வரை பாகிஸ்தான் சமர் செய்தது.
இதில் டாஸ் வென்ற பாகிஸ்தான் அணி பேட்டிங் தேர்வு செய்தது. அந்த அணி 46.4 ஓவர்களில் 270 ரன்கள் எடுத்து ஆல் அவுட் ஆனது. சவுத் ஷகில் 52 பந்துகளில் 52 ரன்கள் எடுத்தார். கேப்டன் பாபர் அஸம் 65 பந்துகளில் 50 ரன்கள் எடுத்தார். ஷதாப் கான் 36 பந்துகளில் 43 ரன்கள் எடுத்தார். ரிஸ்வான் 31 ரன்கள், முகமது நவாஸ் 24 ரன்கள் மற்றும் இஃப்திகார் அகமது 21 ரன்கள் எடுத்தனர். தென் ஆப்பிரிக்கா சார்பில் ஷம்சி, 4 விக்கெட்களை கைப்பற்றி இருந்தார்.
from தமிழ் நியூஸ் : News in Tamil,Latest Tamil News India & World,Sports,Cinema.
0 கருத்துகள்