தேசிய சீனியர் ஹாக்கி சாம்பியன்ஷிப்: தமிழ்நாடு - உத்தரபிரதேசம் கால் இறுதியில் இன்று மோதல்

சென்னை: 13-வது ஆடவருக்கான தேசிய சீனியர் ஹாக்கி சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஹாக்கி மைதானத்தில் நடைபெற்று வருகிறது. இதன் 8-வது நாளான நேற்று லீக் சுற்றின் கடைசி ஆட்டங்கள் நடைபெற்றன. ‘டி’ பிரிவில் நடைபெற்ற ஆட்டத்தில் உத்தராகண்ட் - பஞ்சாப் அணிகள் மோதின. இதில் பஞ்சாப் 13-0 என்ற கோல் கணக்கில் வெற்றி பெற்றது.

அந்த அணி சார்பில் ஜுக்ராஜ் சிங், ஹர்மன்பிரீத் சிங் ஆகியோர் தலா 3 கோல்களும் தில்பிரீத் சிங், ஹர்ஷாகிப் சிங் ஆகியோர் தலா 2 கோல்களும் பர்விந்தர் சிங், சுக்ஜீத் சிங், கன்வர்ஜீத் சிங் ஆகியோர்தலா ஒரு கோலும் அடித்தனர். பஞ்சாப் அணிக்கு ஹாட்ரிக் வெற்றியாக அமைந்தது.

from தமிழ் நியூஸ் : News in Tamil,Latest Tamil News India & World,Sports,Cinema.