கேப்டனாக அணிக்கு பங்களிப்பு செய்ததில் மகிழ்ச்சி: சொல்கிறார் சூர்யகுமார் யாதவ்

விசாகப்பட்டினம்: ஆஸ்திரேலியாவுக்கு எதிராக நேற்று முன்தினம் விசாகப்பட்டினத்தில் நடைபெற்ற முதல் டி20 கிரிக்கெட் போட்டியில் இந்தியஅணி 2 விக்கெட்கள் வித்தியாசத்தில் வெற்றி பெற்றது. 209 ரன்கள் இலக்கை துரத்திய இந்திய அணி ஒரு பந்தை மீதும் வைத்து 19.5 ஓவர்களில் 8 விக்கெட்கள் இழப்புக்கு 209 ரன்கள் எடுத்து வெற்றி பெற்றது. தொடக்க வீரர்களான ருதுராஜ் கெய்க்வாட் 0, யஷஸ்வி ஜெய்ஸ்வால் 21 ரன்களில் ஆட்டமிழந்தனர்.

இதன் பின்னர் 3-வது விக்கெட்டுக்கு இணைந்த இஷான் கிஷன், கேப்டன் சூர்யகுமார் யாதவ் ஜோடி சிறப்பாக விளையாடி அணியின் வெற்றிக்கு முக்கிய பங்களிப்பை வழங்கியது. இஷான் கிஷன் 39 பந்துகளில், 5 சிக்ஸர்கள், 2 பவுண்டரிகளுடன் 58 ரன்களும் சூர்யகுமார் யாதவ் 42 பந்துகளில், 4 சிக்ஸர்கள், 9 பவுண்டரிகளுடன் 80 ரன்களும் விளாசினர். இந்த ஜோடி 112 ரன்கள் குவித்தது. இறுதிக்கட்டத்தில் ரிங்கு சிங் 14 பந்துகளில் விளாசிய 22 ரன்களும் அணியின் வெற்றியில் முக்கிய பங்கு வகித்தது.

from தமிழ் நியூஸ் : News in Tamil,Latest Tamil News India & World,Sports,Cinema.