சென்னை: தமிழ்நாடு விளையாட்டு மேம்பாட்டு ஆணையம் சார்பில் ‘சென்னை கிராண்ட் மாஸ்டர்ஸ் செஸ்’ சாம்பியன்ஷிப் சென்னையில் நடைபெற்று வந்தது. கடந்த 15-ம் தேதி தொடங்கிய இந்தத் தொடரின் கடைசி மற்றும் 7-வது சுற்று ஆட்டம் நேற்று நடைபெற்றன. இதில் இந்திய கிராண்ட் மாஸ்டரான டி.குகேஷ், சகநாட்டைச் சேர்ந்த மற்றொரு கிராண்ட் மாஸ்டரான ஹரிகிருஷ்ணாவை எதிர்த்து விளையாடினார். கருப்பு நிற காய்களுடன் விளையாடிய குகேஷ் 31-வது நகர்த்தலின் போது டிரா செய்தார்.
மற்றொரு இந்திய கிராண்ட் மாஸ்டரான அர்ஜுன் எரிகைசி, ஹங்கேரியின் சனான் சுகிரோவுடன் மோதினார். வெள்ளை நிற காய்களுடன் விளையாடிய அர்ஜுன் எரிகைசி 57-வது நகர்த்தலின் போது வெற்றி பெற்றார். உக்ரைனின் பாவெல் எல்ஜனோவ், அமெரிக்காவின் லெவோன் அரோனியன் மோதிய ஆட்டம் டிரா ஆனது.
from தமிழ் நியூஸ் : News in Tamil,Latest Tamil News India & World,Sports,Cinema.
0 கருத்துகள்