அகமதாபாத்: ஐபிஎல் டி 20 கிரிக்கெட் தொடரில் நேற்று முன்தினம் அகமதாபாத்தில் உள்ள நரேந்திர மோடி மைதானத்தில் நடைபெற்ற ஆட்டத்தில் குஜராத் டைட்டன்ஸ் - ராயல் சாலஞ்சர்ஸ் பெங்களூரு அணிகள் மோதின. இதில் முதலில் பேட் செய்த குஜராத் அணி 3 விக்கெட்கள் இழப்புக்கு 200 ரன்கள் குவித்தது. தொடக்க வீரர்களான ரித்திமான் சாஹா 5 ரன்னில் ஸ்வப்னில் சிங் பந்திலும், கேப்டன் ஷுப்மன் கில் 16 ரன்களில் கிளென் மேக்ஸ்வெல் பந்திலும் ஆட்டமிழந்தனர். 7 ஓவர்களில் குஜராத் 2 விக்கெட்கள் இழப்புக்கு 47 ரன்கள் எடுத்து தடுமாறியது. அப்போது சாய் சுதர்சனுடன் இணைந்த ஷாருக்கான் அதிரடியாக விளையாடினார்.
மட்டையை சுழற்றிய ஷாருக்கான் 30 பந்துகளில், 5 சிக்ஸர்கள், 3 பவுண்டரிகளுடன் 58 ரன்கள் விளாசிய நிலையில் முகமது சிராஜ் பந்தில் போல்டானார். 3-வது விக்கெட்டுக்கு இந்த ஜோடி 45 பந்துகளில் 86 ரன்கள் விளாசியது.
from தமிழ் நியூஸ் : News in Tamil,Latest Tamil News India & World,Sports,Cinema.
0 கருத்துகள்