சன்ரைசர்ஸ் ஹைதராபாத் அணியின் அதிரடி எடுபடுமா? - சேப்பாக்கத்தில் ராஜஸ்தானுடன் இன்று மோதல்

சென்னை: ஐபிஎல் டி 20 கிரிக்கெட் தொடரில் இன்று இரவு7.30 மணிக்கு சென்னை சேப்பாக்கம் எம்.ஏ.சிதம்பரம் மைதானத்தில் நடைபெறும் பிளே ஆஃப் சுற்றின் தகுதி சுற்று 2-ல் சன்ரைசர்ஸ் ஹைதராபாத் - ராஜஸ்தான் ராயல்ஸ் அணிகள் பலப்பரீட்சை நடத்துகின்றன. இந்த ஆட்டத்தில் வெற்றி பெறும் அணி வரும் 26-ம் தேதி இறுதிப் போட்டியில் கொல்கத்தா நைட் ரைடர்ஸ் அணியுடன் பலப்பரீட்சை நடத்தும்.

பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி லீக் சுற்றில் 2-வது இடம் பிடித்துஅசத்தியிருந்தது. தொடர்ந்து நடைபெற்ற தகுதி சுற்று 1-ல் 8 விக்கெட்கள் வித்தியாசத்தில் கொல்கத்தாநைட் ரைடர்ஸ் அணியிடம் தோல்வி அடைந்திருந்தது. இந்த ஆட்டத்தில் ஹைதராபாத் அணியின் அதிரடி பேட்ஸ்மேன்களான டிராவிஸ் ஹெட் ரன் ஏதும் எடுக்காமலும், அபிஷேக் சர்மா 3 ரன்னிலும் ஆட்டமிழந்து ஏமாற்றம் அளித்தனர். எனினும் இன்றைய ஆட்டம் முக்கியத்துவம் வாய்ந்தது என்பதால் இவர்கள்மீண்டும் மட்டையை சுழற்றக் கூடும்.

from தமிழ் நியூஸ் : News in Tamil,Latest Tamil News India & World,Sports,Cinema.