அமெரிக்க ஓபன் டென்னிஸ் தொடர்: நடப்பு சாம்பியன் ஜோகோவிச் அதிர்ச்சி தோல்வி

அமெரிக்க ஓபன் டென்னிஸ் தொடரில் நடப்பு சாம்பியனான செர்பியாவின் நோவக் ஜோகோவிச் 3-வது சுற்றில் அதிர்ச்சி தோல்வியடைந்து வெளியேறினார்.

இந்த ஆண்டின் கடைசி கிராண்ட் ஸ்லாம் டென்னிஸ் தொடரான அமெரிக்க ஓபன் டென்னிஸ் தொடர் நியூயார்க் நகரில் நடைபெற்று வருகிறது. இதில் ஆடவர் ஒற்றையர் பிரிவு 3-வது சுற்றில் நடப்பு சாம்பியனும் 2-ம் நிலை வீரருமான செர்பியாவின் நோவக் ஜோகோவிச், தரவரிசையில் 28-வது இடத்தில் உள்ள ஆஸ்திரேலியாவின் அலெக்சி பொபிரினுடன் மோதினார். இதில் நோவக் ஜோகோவிச் 4-6, 4-6, 6-2, 4-6 என்ற செட் கணக்கில் அதிர்ச்சி தோல்வி அடைந்தார். 8-ம் நிலை வீரரான நார்வேயின் காஸ்பர் ரூடு 6-7 (1-7), 3-6, 6-0, 6-3, 6-1 என்ற செட் கணக்கில் சீனாவின் ஷாங் ஜுன்செங்கையும், 12-ம் நிலை வீரரான அமெரிக்காவின் டெய்லர் பிரிட்ஸ் 6-3, 6-4, 6-2 என்ற செட் கணக்கில் அர்ஜெண்டினாவின் பிரான்சிஸ்கோ கொமசானாவையும் வீழ்த்தி 4-வது சுற்றில் நுழைந்தனர்.

from தமிழ் நியூஸ் : News in Tamil,Latest Tamil News India & World,Sports,Cinema.